Maidir Linne
Is ann do Bhonneagar Iompair Éireann (BIÉ) chun cuspóir mórluachach lena mbaineann tábhacht straitéiseach náisiúnta a chomhlíonadh; téann sé i gcion ar shaoránaigh agus cuairteoirí araon go laethúil.
Is gníomhaireacht stáit í TII faoi choimirce na Roinne Iompair, a oibríonn ar leibhéal náisiúnta agus réigiúnach araon, i gcomhpháirtíocht le hÚdaráis Áitiúla maidir le bóithre náisiúnta agus féarbhealaí, agus leis an Údarás Náisiúnta Iompair (NTA) maidir le hiarnród éadrom agus meitreo.
Bunaíodh TII trí chumasc idir an tÚdarás um Bóithre Náisiúnta (NRA) agus an Ghníomhaireacht um Fháil Iarnród (RPA) faoi Acht na mBóithre 2015, agus bunaíodh é chun gréasáin iarnróid éadroim agus bóithre náisiúnta atá sábháilte agus éifeachtach a sheachadadh agus a oibriú.
In 2021, tarmligeadh feidhmeanna breise do TII maidir le taisteal gníomhach agus féarbhealaí.
Ag TII táimid ag tógáil geilleagar níos inbhuanaithe agus cáilíocht beatha níos fearr do gach duine. Chun níos mó a fhoghlaim faoinár n-eagraíocht agus faoin obair luachmhar a dhéanaimid chun daoine agus earraí a choinneáil ag gluaiseacht go sábháilte agus go hiontaofa gach lá, cliceáil ar ár bhfíseán faisnéise.
Ár Sainchúram
Iarnród Éadrom & Meitreo
Le hAcht na mBóithre, 2015 leathnaíodh sainchúram BIÉ chun go n-áireofar iarnród éadrom (amhail an Luas) agus bonneagar iarnróid meitreo a chinnfidh ÚNI. Tá feidhm reachtúil ag ÚNI bonneagar meitreo agus iarnróid éadroim a sholáthar agus is é atá ina Údarás Formheasa do bhonneagar agus seirbhísí iompair phoiblí.
Bóithre Náisiúnta
Is é dualgas ginearálta BIÉ soláthar gréasáin shábháilte éifeachtúil de bhóithre náisiúnta a dhaingniú ag féachaint do riachtanais na n-úsáideoirí uile. Faoi Threoirlínte Bonneagair an Rialtais, is é BIÉ atá ina údarás formheasa do thionscadail agus oibreacha bóithre náisiúnta i gcomhar leis na húdaráis áitiúla, agus is iad atá ina n-údaráis bóithre do na bóithre uile, lena n-áirítear bóithre náisiúnta.
Glasbhealaí, Taisteal Gníomhach agus an Gréasán Náisiúnta Raonta Rothar
I mí Mheán Fómhair 2021, tháinig BIÉ chun bheith ina údarás formheasa do ghlasbhealaí thar cheann na Roinne Iompair. Tá BIÉ ag infheistiú €60m in aghaidh na bliana i nglasbhealaí suas go 2030, rud a thacaíonn le húdaráis áitiúla níos mó ná 200km de ghlasbhealaí a sholáthar mar chuid den Ghréasán Náisiúnta Raonta Rothar, agus rud a thacaíonn leo 100km breise de ghlasbhealaí áineasa a sholáthar
