Obair Chruach Fhorstruchtúr Dhroichead na Máighe i Luimneach Tagtha go Calafort Fhainge

Sa ghrianghraf ar chlé feictear obair chruach fhorstruchtúr Dhroichead na Máighe á díluchtú ó Long BBC Bergan i gCalafort Fhainge an tseachtain seo caite.  Seoladh an obair chruach ó cheardlann déantúsaíochta Cimolai i dTuaisceart na hIodáile go Calafort Fhainge, turas a thóg níos mó ná coicís.  

Obair chruach an droichid a bheith tagtha go hÉirinn, is cloch mhíle mhór é ar chlár Sheachbhóthar Áth Dara toisc go bhfuil Droichead na Máighe ar an gconair chriticiúil. 

Díluchtaíodh an obair chruach ar fad agus tá sí á stóráil faoi láthair i gclós stórála i gCalafort Fhainge.   

Iomprófar í chuig suíomh Sheachbhóthar Áth Dara sna trí seachtaine amach romhainn. Tógfaidh sé thart ar 60 ualach leoraí altaigh chun an obair chruach a iompar chuig an suíomh. 

Maidir le Seachbhóthar Áth Dara
Tá Seachbhóthar Áth Dara, a bheidh 7km ar fad, á thógáil ag Comhfhiontar Sisk Sorensen.  Cuireadh tús leis an tógáil i mí Eanáir 2025, agus is cuid de Thionscadal Bhóthar an N21/N69 ó Fhaing go Luimneach í. 

Ceapadh tionscadal Sheachbhóthar Áth Dara chun dianbhrú tráchta i Sráidbhaile Áth Dara a mhaolú trí suas le 80% den trácht a bhaint, agus tá sé beartaithe go gcuirfear i gcrích i mí an Mheithimh 2027 é roimh Chorn Ryder 2027.  

€150 milliún atá sa tionscadal, a nascfaidh Cróch le hÁth Dara agus a chuimseoidh droichead thar an Mháigh, dhá acomhal ilairde agus dhá dhroichead nua iarnróid thar an líne iarnróid idir Luimneach agus Faing.