Inbhuanaitheacht

Tá fís ag TII ceannas a ghlacadh ar sholáthar agus oibriú iompair inbhuanaithe, a chumasóidh ár ngréasáin chun borradh ionchuimsitheach a chur chun cinn, deiseanna poist a chruthú, feabhas a chur ar fholláine gach duine, grúpaí leochaileacha san áireamh, ár n-athléimneacht a neartú chun dul i ngleic le hathrú aeráide, leanúint de bheith tiomanta don chomhshaol agus leanúint do thús áite a thabhairt don tsábháilteacht.

Ag BIÉ, táimid tiomanta a chinntiú go bhfuil ár mbonneagar iompair athléimneach maidir le tionchair an athraithe aeráide. Leagtar amach inár Straitéis um Oiriúnú don Athrú Aeráide cur chuige cuimsitheach BIÉ maidir lenár sócmhainní agus ár n-oibríochtaí a oiriúnú don aeráid atá ag athrú, ag teacht le spriocanna inbhuanaitheachta náisiúnta agus idirnáisiúnta.

Ag BIÉ, is bunchloch dár dtiomantas don inbhuanaitheacht ár Straitéis Geilleagair Chiorclaigh. Díríonn an straitéis seo ar dhramhaíl a íoslaghdú, éifeachtúlacht acmhainní a uasmhéadú, agus córas athghiniúnach a chothú ina ndéantar ábhair a athúsáid agus a athchúrsáil. Trí phrionsabail chiorclacha a chomhtháthú inár n-oibríochtaí, tá sé mar aidhm againn ár lorg comhshaoil a laghdú agus cur leis an inbhuanaitheacht.

Doiciméid

Leagtar amach i dTreoir BIÉ maidir leis an nGeilleagar Ciorclach i dTionscadail Glasbhealaí agus Rotharbhealaí Tuaithe conas is féidir prionsabail an gheilleagair chiorclaigh a chomhtháthú i dtionscadail glasbhealaí agus rothaíochta chun inbhuanaitheacht a fheabhsú agus tionchar ar an gcomhshaol a laghdú.

Leagtar amach i dTreoir BIÉ maidir leis an nGeilleagar Ciorclach i dTionscadail Bóithre conas is féidir prionsabail an gheilleagair chiorclaigh a chomhtháthú i dtionscadail bóithre náisiúnta chun inbhuanaitheacht a fheabhsú agus tionchar ar an gcomhshaol a laghdú.

Tá inbhuanaitheacht i gcroílár ár misin ag BIÉ. Leagtar amach sa Phlean Cur Chun Feidhme Inbhuanaitheachta (SIP) ár gcreat chun inbhuanaitheacht a leabú inár n-oibríochtaí uile, ag cinntiú go seachadfaimid bonneagar agus seirbhísí iompair atá sábháilte, athléimneach agus freagrach ó thaobh an chomhshaoil de..

Leagann SIP spriocanna agus méadrachtaí soiléire amach chun ár ndul chun cinn i dtreo torthaí inbhuanaitheachta a bhaint amach a thomhas, i gcomhréir lenár sé phríomhphrionsabal inbhuanaitheachta.

Is luach lárnach d'obair BIÉ í an inbhuanaitheacht, agus tugtar tús áite di inár gcuid cinnteoireachta. Táimid treoraithe ag na sé phrionsabal inbhuanaitheachta atá leagtha amach inár ráiteas inbhuanaitheachta thíos. Is ionann na prionsabail seo agus na príomhréimsí tosaíochta le haghaidh forbartha inbhuanaithe laistigh dár n-eagraíocht.


Ag BIÉ, táimid tiomanta dár dtionchar ar an aeráid a laghdú inár n-oibríochtaí uile. Leagtar amach i dTreochlár Gníomhaíochta Aeráide BIÉ ár gcur chuige straitéiseach chun astaíochtaí a laghdú go mór agus feabhas a chur ar éifeachtúlacht fuinnimh faoi 2030, ag teacht le spriocanna aeráide náisiúnta agus idirnáisiúnta.

Trí leanúint lenár dTreochlár Gníomhaíochta Aeráide, ní hamháin go bhfuil BIÉ ag tabhairt aghaidh ar dhúshláin phráinneacha an athraithe aeráide ach tá todhchaí athléimneach agus inbhuanaithe á cinntiú do na glúnta atá le teacht freisin..

‘Gach Duine ar Bord (‘All Aboard’): Forbraíodh Podchraoladh' Inrochtaineachta BIÉ chun ardán a thabhairt do dhearthóirí, do thacadóirí, agus do thaighdeoirí chun a bhfuil i gceist le hiompar poiblí inrochtana dóibh a roinnt, mar aon leis an dóigh ar chuir siad an inrochtaineacht san áireamh ina gcuid oibre.