Treoirlínte Tógála

Treoirlínte do Phlean Oibríochtúil Comhshaoil

Guidelines for the Creation, Implementation and Maintenance of an Environmental Operating Plan

Tá córas curtha i bhfeidhm ag BIÉ chun taifead a dhéanamh ar ghealltanais agus ar cheanglais chomhshaoil fad is a bhíonn scéimeanna bóithre náisiúnta á dtógáil. Faoin gcóras seo, déanann príomhchonraitheoirí atá ag tógáil scéimeanna bóithre náisiúnta Pleananna Oibríochtúla Comhshaoil (EOPanna) a chruthú, a chur i bhfeidhm agus a chothabháil. Is iad seo a leanas príomhghnéithe pleananna den chineál seo:

  1. Ceapadh Bainisteoir Comhshaoil ag an bpríomhchonraitheoir;
  2. Gealltanais agus ceanglais chomhshaoil a chur san áireamh;
  3. Na modhanna a úsáidfear le hobair thógála a bhainistiú le freastal ar na gealltanais agus ceanglais chomhshaoil seo a leagan amach;
  4. Róil agus freagrachtaí fhoireann an phríomhchonraitheora a aithint ag féachaint do struchtúr eagraíochtúil an phríomhchonraitheora;
  5. Nósanna imeachta i leith cumarsáid a dhéanamh leis an bpobal agus cumarsáid a dhéanamh taobh istigh d’eagraíocht an phríomhchonraitheora a chur san áireamh;
  6. Nósanna imeachta i leith oiliúint feasachta ar an gcomhshaol a chur san áireamh;
  7. Nósanna imeachta monatóireachta agus freagairt ar thorthaí monatóireachta a chur san áireamh, nuair is gá faoin gconradh; agus
  8. Córas iniúchta agus athbhreithnithe maidir le héifeachtacht an phlean a sholáthar.

Tugtar treoir do phríomhchonraitheoirí maidir le táirgeadh, cur i bhfeidhm agus cothabháil pleananna den chineál seo i dTreoirlínte um Chruthú, Cur i bhFeidhm agus Cothabháil Phlean Oibríochtúil Comhshaoil an Údaráis (An tÚdarás um Bóithre Náisiúnta, 2007).