Sábháilteacht ar Bhóithre – Ceisteanna Coitianta

 

Mar a oibríonn Maoiniú Scéim Sábháilteachta Bóithre ar Bhóithre Náisiúnta

Bíonn Bonneagar Iompair Éireann (BIÉ) ag oibriú le húdaráis áitiúla chun an tsábháilteacht a fheabhsú ar an nGréasán Bóithre Náisiúnta amháin. Tá míniú ar an leathanach seo ar an gcaoi a ndéantar ceisteanna sábháilteachta a shainaithint, a ndéantar scéimeanna sábháilteachta a fhorbairt agus ar na dreamanna ar cheart teagmháil a dhéanamh leo nuair a thagann ann d’aon ábhar imní.

 

1. Mar a dhéantar Ceisteanna Sábháilteachta a shainaithint

Déanann BIÉ dhá mheasúnú náisiúnta gach bliain (Féach Sábháilteacht ar Bhóithre - Baile le níos mó sonraí a fháil ar na próisis seo):

  • Anailís Bhliantúil ar Imbhuailtí
    Faoi chaighdeán GE STY 01022, Anailís Sábháilteachta Gréasáin, aithníonn BIÉ Láithreacha Ardmhinicíocht Imbhuailtí (LAInna) – áiteanna ina dtarlaíonn níos mó ná an meánleibhéal d’imbuailtí. Eisítear na torthaí d’údaráis áitiúla le gur féidir iad a fhiosrú a thuilleadh.
  • Cigireachtaí Sábháilteachta Bóithre (CSB)
    Agus iad á ndéanamh gach 4 bliana faoi AM STY 06044, sainaithnítear leis na cigireachtaí seo rioscaí amhail infheictheacht neamhleorga, fadhbanna comharthaíochta nó guaiseacha a mbeadh úsáideoirí leochaileacha bóthair thíos leo. Cuirtear torthaí ardriosca chuig údaráis áitiúla le gur féidir breithniú a dhéanamh ar bhearta feabhais.

 

2. Ról na nÚdarás Áitiúil (Údaráis Bóithre)

Ar bhonn dlíthiúil, is iad na húdaráis áitiúla na hÚdaráis Bóithre i dtaca le Bóithre Náisiúnta. Tá siad freagrach as:

  • Measúnú a dhéanamh ar aon cheisteanna sábháilteachta a thógfaí ar bhonn áitiúil
  • Athbhreithniú a dhéanamh ar stair imbhuailtí (lena n-áirítear imbhuailtí gan tuairisciú)
  • Scéimeanna sábháilteachta bóithre a dhearadh
  • Breithmheasanna eacnamaíochta a dhéanamh
  • Oibreacha a bheadh beartaithe a chostáil ina n-iomláine agus a rangú in ord tosaíochta
  • Tuarascáil Indéantachta & Roghanna a ullmhú (GE STY 01037)
  • Comhairleoirí Teicniúla agus/nó Conraitheoirí a sholáthar, más gá, chun an obair a chur i gcrích

Ní dhéanann BIÉ scéimeanna áitiúla a dhearadh ná a thionscnamh. Ní mór gur ón gcomhairle contae iomchuí a thiocfadh an togra.

 

3. Ról BIÉ agus na nithe a mhaoiníonn BIÉ

Chomh luath is a chuireann údarás áitiúil togra comhlíontach isteach:

  • Déanann BIÉ athbhreithniú ar an tuarascáil indéantachta
  • Dearbhaíonn BIÉ go gcomhlíonann an dearadh Caighdeáin BIÉ
  • Déanann BIÉ measúnú ar thairbhe sábháilteachta agus ar infhaighteacht maoinithe
  • Déanann BIÉ an maoiniú a leithdháileadh le haghaidh pleanáil, dearadh nó tógáil

Is féidir maoiniú BIÉ do scéimeanna sábháilteachta a bheith éagsúil, faoi réir mhéid na hidirghabhála, ó mhion-idirghabhálacha go dtí idirghabhálacha ar scála an-mhór (Féach Gníomhaíocht Scéimeanna Sábháilteachta Bóithre BIÉ le haghaidh tuairisc mhionsonraithe ar Ghníomhaíocht Sábháilteachta Bóithre BIÉ in 2025). Mar shampla:

  • Feabhsúcháin sábháilteachta ar chostas íseal
  • Uasghráduithe Acomhail
  • Bearta sábháilteachta do choisithe agus rothaithe
  • Feabhsúcháin i limistéir scoile nuair is inchosanta
  • Comharthaíocht, bainistiú luais agus idirghabhálacha spriocdhírithe eile

Is díol tábhachta é nach gá gur Láthair Ardmhinicíocht Imbhuailtí (LAI) é suíomh le go gcuirfeadh údarás áitiúil togra sábháilteachta isteach ina leith.

 

4. Ordlathas teagmhála

Déantar teagmháil i dtús báire leis an Údarás Áitiúil i gcás aon cheisteanna sábháilteachta a bhaineann le Bóthar Náisiúnta, lena n-áirítear:

  • Sábháilteacht acomhail
  • Trasrianta coisithe
  • Cosáin, saoráidí taisteal gníomhach
  • Ceisteanna luais
  • Limistéar sábháilteachta scoile
  • Ceansú tráchta
  • Ceisteanna comharthaíochta nó ceisteanna marcála línte
Ní mór d’údaráis áitiúla an cheist a mheas agus a shocrú cé acu a ullmhóidh nó nach n-ullmhóidh siad tuarascáil indéantachta do BIÉ. Bíonn sé seo le déanamh go fiú más TD, comhairleoir, scoil nó ball aonair den phobal a thógfadh an cheist.

 

5. Luasteorainneacha ar Bhóithre Náisiúnta

  • Is iad na húdaráis áitiúla a shocraíonn luasteorainneacha.
  • Is amhlaidh, áfach, go n-éilítear faomhadh ó BIÉ sular ceadmhach aon luasteorainneacha ar Bhóthar Náisiúnta a athrú, i gcomhréir le breithniúcháin beartais náisiúnta agus sábháilteachta.
  • Is tríd an nGarda Síochána, ní BIÉ, a eagraítear an forfheidhmiú luais (m.sh. Gardaí nó veaineanna GoSafe).

 

6. Mar a Oibríonn Próiseas na Scéimeanna Sábháilteachta (Achoimre)

  • Sainaithníonn BIÉ rioscaí (anailís fhrithghníomhach Ardmhinicíocht Imbhuailtí agus Cigireachtaí
  • Sábháilteachta Bóithre réamhghníomhacha).
  • Déanann údarás áitiúil breithniú ar an láthair, lena n-áirítear sonraí, luasanna, imbhuailtí, gníomhaíocht coisithe.
  • Dearann údarás áitiúil scéim agus tugann faoi bhreithmheas eacnamaíochta.
  • Cuireann údarás áitiúil isteach Tuarascáil Indéantachta & Roghanna chuig BIÉ.
  • Déanann BIÉ an scéim a athbhreithniú agus a mhaoiniú nuair is inchosanta agus nuair a bhíonn maoiniú ar fáil.

 

Ceisteanna Coitianta

 

Mar gurb iad na húdaráis áitiúla na hÚdaráis Bóithre i dtaca le Bóithre Náisiúnta. Ní mór dóibh ceisteanna a mheas agus a shocrú cé acu atá gá le scéim nó nach bhfuil sula bhféadann BIÉ í a mhaoiniú.

 

Ní féidir. Is iad na húdaráis áitiúla a shocraíonn luasteorainneacha.
Is amhlaidh, áfach, go n-éilítear faomhadh ó BIÉ sular ceadmhach aon luasteorainn ar Bhóthar Náisiúnta a athrú, agus gurb iad an Garda Síochána a láimhseálann cúrsaí forfheidhmithe.

 

Bíonn na boird scoile freagrach as socruithe tuirlingthe agus páirceála ar shuíomh na scoile.
Ní mór don údarás áitiúil bearta sábháilteachta ar an mBóthar Náisiúnta lasmuigh den scoil a mholadh sular féidir leis an BIÉ aon bhreithniú a dhéanamh ar mhaoiniú.

 

Is féidir. Féadann údaráis áitiúla tograí a chur isteach i dtaca le hábhair imní inchosanta eile, lena n-áirítear úsáideoirí bóthair leochaileacha agus limistéir scoile.

Ní mór d’údaráis áitiúla measúnú a dhéanamh i dtús báire agus ansin togra a chur isteach. Ansin, déanann BIÉ athbhreithniú ar an tuarascáil indéantachta lena chinntiú go gcomhlíonann sé Caighdeáin BIÉ sula gceadófaí é. 

Ba cheart duit aon cheisteanna sábháilteachta maidir le Bóithre Náisiúnta a chur faoi bhráid rannóg bóithre an údaráis áitiúil ar an gcéad ásc. Ní féidir le BIÉ aon bhreithniú a dhéanamh ar thograí go dtí go gcuireann an t-údarás áitiúil isteach go foirmeálta iad.