Luas Chorcaí
Is líne iarnróid éadroim é Luas Chorcaí a chruthóidh nasc nua iompair phoiblí ó Bhaile an Chollaigh go Machain. Is córas ardlín paisinéirí é Luas. Bunaithe ar anailís ar éileamh iompair táthar ag súil go n-úsáidfidh suas le 2,300 paisinéir san uair an córas i ngach treo ag buaic-amanna le seirbhísí ag rith gach sé nóiméad, nó níos minice má thagann méadú ar an éileamh.
Is tionscadal claochlaitheach é Luas Chorcaí, arna fhorbairt i ndlúthchomhar le BusConnects, chun fás dlúth, soghluaisteacht inbhuanaithe, rochtain ar oideachas, fostaíocht agus cúram sláinte, agus aistriú chuig sochaí ísealcharbóin a éascú. Seachadfaidh Bonneagar Iompair Éireann (BIÉ) Luas Chorcaí agus dearadh é i gcomhar leis an Údarás Náisiúnta Iompair (ÚNT). Le chéile táimid tiomanta do rannpháirtíocht an phobail i bpróiseas deartha an bhonneagair thábhachtaigh iompair phoiblí seo.
Le linn dhearadh agus thógáil Luas Chorcaí, tapófar deiseanna chun an réimse uirbeach a fheabhsú agus tírdhreachtú a fheabhsú. Agus úsáid á baint as an bhforbairt is déanaí sa teicneolaíocht ceallraí iompair, ní bheidh aon cháblaí lastuas i lár na cathrach. Tabharfaidh acmhainn, iontaofacht agus compord Luas Chorcaí rogha tharraingteach do dhaoine seachas gluaisteáin, rud a chabhróidh le Corcaigh a bheith ar cheann de na cathracha aeráidneodracha is fearr san Eoraip.
Forbhreathnú ar Luas Chorcaí
Paisinéirí Tuartha
- 46 milliún paisinéir á n-iompar sa bhliain.
- 11,400 paisinéir ag gabháil sa dá threo in aghaidh na huaire ag idirachar 2 nóiméad nó
- 4,600 paisinéir ag gabháil sa dá threo in aghaidh na huaire ag idirachar 5 nóiméad.
Fad ama an Turais agus Achair Thuartha
- 27 nóiméad ó Bhaile an Chollaigh go Sráid Phádraig.
- 20 nóiméad ó Rinn Mhachan go Sráid Phádraig.
- 47 nóiméad ó Bhaile an Chollaigh go Rinn Mhachan.
Gréasáin Bus agus Feithiclí
- 25 stad feadh an bhealaigh.
- Feithicil Iarnróid Éadroim cosúil le flít Luas Bhaile Átha Cliath.
- Gréasán Iarnróid Éadroim 17km: Idir Baile an Chollaigh, Lár Chathair Chorcaí, Stáisiún an Cheanntaigh, Dugthailte Chorcaí agus Rinn Mhachan.
- 27 tram ag teastáil le haghaidh minicíocht 5 nóiméad.
Cathair agus Bruachbhaile a Nascadh
- Gréasán Iarnróid Fo-uirbeach Chorcaí a nascadh ag Stáisiún an Cheanntaigh, le Gréasán Iarnróid Éadroim Chorcaí agus pointe aistrithe a sholáthar idir seirbhísí bus gathacha agus cuar-sheirbhísí bus.
- 3,200 paisinéir go/ó Iarnród Éadrom ag an mbuaic-am ar maidin.
Meastachán Costais
- An meastachán costais reatha don bhealach atá beartaithe ná thart ar €1bn
Is féidir tuilleadh faisnéise faoi Luas Chorcaí, lena n-áirítear EPR (An Bealach is Dealraithí a Roghnófar) a fháil ar shuíomh gréasáin Luas Chorcaí.