Ceisteanna Coitianta maidir le CPO agus eMSP
1. Conas a thacóidh an Rialachán um Bonneagar Breoslaí Malartacha le húsáideoirí sonraí bhonneagar athluchtaithe feithiclí leictreacha atá inrochtana go poiblí in Éirinn? Le ceanglais Rialachán um Bonneagar Breoslaí Malartacha (AFIR) (Rialachán (AE), 2023/1804) maidir le infhaighteacht faisnéise a bhaineann le bonneagar athluchtaithe poiblí Feithiclí Leictreacha (EV) a chomhlíonadh, d’fhoilsigh Feithiclí Astaíochtaí Nialasacha Éireann (ZEVI) Dréacht-Straitéis le haghaidh Sonraí a bhaineann le Bonneagar Athluchtaithe Feithiclí Leictreacha.
Leagtar amach sa straitéis seo conas a osclófar agus a chuirfear sonraí ar leith AFIR ar fáil gan srian d’úsáideoir sonraí ar bith ag Oibreoirí Pointe Athluchtaithe (CPOanna) agus Soláthraithe Seirbhísí Leictrea-Shoghluaisteachta (eMSPanna) tríd an bPointe Rochtana Náisiúnta (NAP). Déanfar bainistíocht sonraí agus feidhmiúlacht mhalartaithe ar Ardán Malartaithe Sonraí (DXP), de réir mar a éilíonn AFIR, agus éascóidh an t-ardán roinnt na sonraí seo le NAP
Is príomheintitis dhleathacha iad Oibreoirí Pointe Athluchtaithe (CPOanna) agus Soláthraithe Seirbhísí Soghluaisteachta (eMSPanna) in éiceachóras athluchtaithe na bhFeithiclí Leictreacha (EV), a bhfuil róil ar leith acu:
- Oibreoir Pointe Athluchtaithe: Tá CPO freagrach as suiteáil, oibriú, agus cothabháil stáisiúin athluchtaithe EV. Bainistíonn sé gnéithe teicniúla den bhonneagar athluchtaithe, soláthar cumhachta, nascacht ghréasáin, agus a chinntiú go bhfuil athluchtairí ag feidhmiú agus inrochtana san áireamh.
- Soláthraí Seirbhísí Leictrea-Soghluaisteachta: Cuireann eMSP seirbhísí athluchtaithe ar fáil do thiománaithe feithiclí leictreacha, próiseáil íocaíochtaí, seirbhísí fánaíochta, agus tacaíocht do chustaiméirí san áireamh. Cuireann eMSPanna pleananna síntiúis nó aipeanna fóin ar fáil a ligean don úsáideoir seisiúin athluchtaithe a chuardach agus íoc astu thar ghréasáin dhifriúla CPO.
Cé go bhfeidhmíonn comhlachtaí ar leith mar CPO agus mar eMSP ag an am céanna, tá róil éagsúla acu de réir an dlí. Bainistíonn CPOanna an bonneagar fisiciúil, agus éascaíonn eMSPanna an t-eispéireas úsáideora deiridh trí rochtain agus roghanna íocaíochta a chur ar fáil.
Le Rialachán maidir le Bonneagar Breoslaí Malartacha (AFIR) (Rialachán (AE) 2023/1804), tugtar sainordú do Bhaill Stáit an AE Eagraíocht Cláraithe Sainaitheantais (IDRO) a cheapadh le cóid aitheantais (IDRO ID) uathúla a eisiúint chuig Oibreoirí Pointe Athluchtaithe (CPOanna) agus chuig Soláthraithe Seirbhíse Leictrea-Shoghluaisteachta (eMSPanna) agus lena mbainistiú. In Éirinn, tá IDRO bunaithe ag BIÉ le cóid aitheantais IDRO a eisiúint chuig CPOanna agus eMSPanna agus lena bhainistiú.
Le clárú leis an Eagraíocht Cláraithe Sainaitheantais (IDRO), is féidir foirm chláraithe a íoslódáil anseo nó is féidir teagmháil a dhéanamh le afirdata@tii.ie.Tá cur síos mionsonraithe ar an bpróiseas cláraithe le fáil anseo.
Beidh, tá liosta d’Oibreoirí Pointe Athluchtaithe (CPOanna) agus Soláthraithe Seirbhíse Leictrea-Soghluaisteachta (eMSPanna) ar Chlár Poiblí na hÉireann atá le fáil anseo.
TIs stór sonraí lárnach é an tArdán Malartaithe Sonraí (DXP), inar féidir teacht ar shonraí Oibreoirí Pointe Athluchtaithe (CPOanna) a bhaineann le pointí athluchtaithe atá inrochtana don phobal
Is ardán láraithe atá in DXP a chinnteoidh go mbeidh teacht ar na sonraí seo i bhfoirm chaighdeánaithe atá ar fáil gan srian agus inrochtana go héasca d’úsáideoirí sonraí faoi mar a cheanglaítear faoin Rialachán maidir le Bonneagar Breoslaí Malartacha (AFIR) (Rialachán (AE) 2023/1804). Mar sin féin, níl ról seirbhíse ná ról an ghníomhaire á ghlacadh ag DXP do CPOanna maidir leis seo.
Le nasc a dhéanamh leis an Ardán Malartaithe Sonraí (DXP), ní mór d’Oibreoirí Pointe Athluchtaithe (CPOanna) nasc Comhéadain Pointe Luchtaithe Oscailte (OCPI 2.2.1) a bhunú. Déantar é seo a bhainistiú trí chlár ionduchtaithe BIÉ do DXP lena mbaineann comhoibriú leis an CPO chun tástáil agus dearbhú a dhéanamh go gcomhlíonann a nasc sonraí ceanglais OCPI 2.2.1.
Le nasc a dhéanamh le DXP, ní mór duit clárú leis an Eagraíocht Cláraithe Sainaitheantais (IDRO) de réir Cheist 4 thuas. Is féidir foirm chláraithe a íoslódáil anseo nó trí theagmháil a dhéanamh le afirdata@tii.ie.
Is féidir teacht ar thuairisc mionsonraithe ar phróiseas ionduchtaithe DXP anseo.
In Éirinn, is é an Pointe Rochtana Náisiúnta (NAP) an Tairseach Sonraí Oscailte (data.gov.ie). Is ardán láraithe é NAP inar féidir le foilsitheoirí sonraí a gcuid sonraí a fhoilsiú. Faoin Rialachán maidir le Bonneagar Breoslaí Malartacha (AFIR) (Rialachán (AE) 2023/1804), éilítear go mbeadh rochtain shaor agus gan srian ag NAP ar shonraí sainithe tríd an gComhéadan Feidhmchláir (API). Má roghnaíonn Oibreoirí Pointe Athluchtaithe (CPOanna) a gcuid sonraí a dhéanamh inaimsithe tríd an Ardán Malartaithe Sonraí (DXP), éascóidh DXP comhroinnt sonraí le NAP trí API.
Tá rialacháin a rialaíonn soláthar sonraí d’fheithiclí leictreacha agus do bhonneagar athluchtaithe breoslaí malartacha eile leagtha amach ag an AE, tríd an Rialachán maidir le Bonneagar Breoslaí Malartacha (AFIR) (Rialachán (AE), 2023/1804).
Ina theannta sin, tá an Coimisiún Eorpach tar éis glacadh leis an Rialachán Cur Chun Feidhme (AE 2025/655) chun tacú le soláthar comhionann agus éifeachtach sonraí bhonneagar breoslaí malartacha atá comhoiriúnach, idir-inoibritheach agus fíor-ama. Tagann an Rialachán Cur Chun Feidhme seo le pacáiste níos leithne de cheithre Acht reachtaíochta ar shonraí agus ar chaighdeáin. Le haghaidh tuilleadh faisnéise, féach anseo: Cuireann an Coimisiún le hidir-inoibritheacht agus trédhearcacht i dtaca sonraí bonneagar breoslaí malartacha - an Coimisiún Eorpach
TNí bhaileoidh, ní phróiseálfaidh ná ní fhoilseoidh an tArdán Malartaithe Sonraí (DXP) sonraí pearsanta custaiméara.
- Ní fhoilseofar sonraí faoi fhaisnéis airgeadais Oibreoir Pointe Athluchtaithe (CPO) ná Sholáthraí Seirbhísí Soghluaisteachta (eMSP).
- Baileoidh an Eagraíocht Cláraithe Sainaitheantais (IDRO) ainm agus seoladh ríomhphoist phointe teagmhála an ghnó. Déantar é seo lena chinntiú go n-eisítear cód aitheantais IDRO ar phearsanra cuí taobh istigh d’eagraíochtaí CPO nó eMSP, ach ní fhoilseofar na sonraí seo.
- Maidir le DXP, baileofar pointe teagmhála agus seoladh ríomhphoist teicniúil agus oibríochtúil lena chinntiú gur aithníodh na teagmhálaithe cuí chun freastal ar cheardlanna teicniúla mar chuid den phróiseas ionduchtaithe. Ní fhoilseofar na sonraí seo, áfach.
Tá Oifig Sonraí thiomnaithe BIÉ ar fáil le ceisteanna maidir leis an Ardán Malartaithe Sonraí (DXP) a fhreagairt. Is féidir teagmháil a dhéanamh leis an bhfoireann ábhartha ag afirdata@tii.ie.