Scéim Deontais ZEVI BIÉ maidir le Bonneagar Luchtaithe LDV EV Faoi Bhealach

Scéim Deontais LDV Céim a Trí

Seoladh Scéim nua chun tacú le rolladh amach an bhonneagair athluchtaithe EV ardchumhachta ar an 28 Feabhra 2025 agus tá sí oscailte anois le haghaidh iarratas.

Leanann an tríú scéim deontais seo as Scéim Chéim 1 go luath in 2024 a dhírigh ar na mótarbhealaí (thart ar 1,000km) agus Scéim Chéim 2 a seoladh i mí Dheireadh Fómhair 2024 a dhírigh ar charrbhealaí náisiúnta aon lána (thart ar 1,200km).

Ag teacht le Plean Luchtaithe EV an Ghréasáin Bóithre Náisiúnta, tá Céim 3 de mhaoiniú deontais seolta ag ZEVI agus BIÉ, ag díriú ar thart ar 3,000km de na príomhbhóithre agus na bóithre tánaisteacha atá fágtha ar an nGréasán Bóithre Náisiúnta lasmuigh den Líonra TEN-T. Is é an cuspóir tacú le rolladh amach an bhonneagair athluchtaithe EV ag eatraimh rialta trasna na gcodanna ábhartha den ghréasán bóithre – féach ar an léarscáil tháscach thíos le haghaidh tuilleadh eolais ar na bóithre atá san áireamh.

Is iad Príomhphointí na Scéime:

• Díreoidh an Scéim ar áiseanna atá inrochtana go poiblí laistigh de thiomáint 3km ó bhóithre na Scéime.
• Féadfar an Scéim a bheith ina ábhar spéise d’oibreoirí stáisiún peitril / seirbhíse, úinéirí carrchlós, óstáin, ollmhargaí / ionaid mhiondíola, agus d’aon duine ag a bhfuil suíomh inrochtana don phobal.
• Tá maoiniú suntasach de suas le 70% de chostais incháilithe, go dtí uasmhéid ceadaithe de €300k, ar fáil chun tacú le rolladh amach na gcomhthiomsuithe athluchtaithe faoi bhealach a chomhlíonann nó a sháraíonn na híosriachtanais.
• Tá síneadh curtha leis an bhfuinneog iarratais agus mairfidh sí go dtí 14 Bealtaine, 2025.
• Is iad na riachtanais athluchtaithe íosta ná comhthiomsú athluchtaithe de 100kW ar a laghad agus acmhainneacht eangaí de 100kVA mar thaca aige, suite ag achair chuí ar fud bhóithre na Scéime. Tá an bonneagar a fhaigheann deontas le bheith i bhfeidhm faoin 31 Márta 2026.
• • Tá na sonraí uilig maidir leis an gCuireadh Chun Iarratas a Dhéanamh agus maidir le próiseas an chomórtais ar fáil ar shuíomh gréasáin do ríomhthairiscintí www.etenders.gov.ie. Ní mór iarratais a chur isteach trí fhoirm ar líne.

Le tuilleadh eolais a fháil, íoslódáil bileog na scéime anseo:

Bróisiúr na Scéime.

Céim 1, Babhta 2

Seoladh an chéad Scéim Deontais de chuid Feithiclí Astaíochtaí Nialasacha Éireann (ZEVI) um Bonneagar Athluchtaithe Feithiclí Leictreacha do Bhóithre Náisiúnta le haghaidh Feithiclí Saothair Éadroim (LDV) go luath in 2024. I mí Iúil 2024, fógraíodh suíomhanna 17 gcomhthiomsú athluchtaithe ardchumhachta nua atá le rolladh amach faoin scéim seo.

I mí na Samhna 2024, seoladh an dara babhta faoin scéim seo chun soláthar bonneagair athluchtaithe i limistéir shonracha (foranna) a spreagadh, áiteanna nárbh fhéidir deontais a dhámhachtain sa chéad bhabhta.

• Is féidir suíomhanna na bhforanna sin a fháil sa léarscáil anseo.
• Tá tuilleadh eolais le fáil i mbileog na scéime anseo.

Tá an Scéim seo dúnta anois d’iarratais agus tá measúnú ar siúl. Foilseofar torthaí na scéime nuair a bheidh an próiseas críochnaithe.

Céim 2

Arna sheoladh i mí Dheireadh Fómhair 2024 i gcomhar leis an Roinn Iompair agus Feithiclí Astaíochtaí Nialasacha Éireann (ZEVI), is í an dara céim í an scéim deontais i gclár BIÉ chun dlús a chur le bonneagar athluchtaithe Feithiclí Leictreacha (EV) a fhorbairt ar fud Ghréasán Bóithre Náisiúnta na hÉireann.

Le Céim a Dó de Scéim Deontais BIÉ de chuid Feithiclí Astaíochtaí Nialasacha Éireann (ZEVI) um Bonneagar Athluchtaithe Feithiclí Leictreacha le haghaidh Feithiclí Saothair Éadroim (LDV), dírítear ar 1200km+ de bhóithre náisiúnta aonbhealaigh, leis an aidhm chun tacú le feidhmiú céimneach 300kW ar a íosmhéid de bhonneagar athluchtaithe feithiclí leictreacha ar eatraimh chothroma feadh an Ghréasáin Bóithre Náisiúnta. Leis an tionscnamh seo tairgtear deis iomaíoch don rannpháirteachas ón earnáil phríobháideach, rud a chuirfidh chun cinn an nuálaíocht agus a chuirfidh feabhas ar éifeachtúlacht agus an bonneagar athluchtaithe feithiclí leictreacha á fhorbairt.

Mionsonraí

• Dírítear an scéim ar oibreoirí stáisiún peitril / seirbhíse, úinéirí carrchlós, óstáin, ollmhargaí / ionaid mhórdhíola, agus ar aon duine a bhfuil suíomh inrochtana go poiblí acu laistigh d’achar tiomána 3km ó bhóithre na Scéime.
• Próiseas iomaíoch deontais atá sa tionscnamh, agus dámhfar é i gcomhréir le rialacha cistiúcháin Státchabhrach de minimis an Aontais Eorpaigh.
• Leis an gcabhair deontais tabharfar tacaíocht do na costais chaipitil a bhaineann le bonneagar nua athluchtaithe a shuiteáil, cistiú suas le 70% de chostais incháilithe, suas chuig uasleibhéal ceadaithe €300k.
• I measc na gcostas incháilithe faoin scéim seo tá tógáil, suiteáil, uasghrádú, nó síneadh le bonneagar athluchtaithe, chomh maith le hoibreacha innealtóireachta comhbhainteacha agus táillí toilithe forbartha na nÚdarás Áitiúil.
• Tá tuilleadh eolais le fáil i Bróisiúr na Scéime.
• Táthar ag ceapadh go mbeidh an bonneagar athluchtaithe nua a chisteofar faoin scéim seo curtha i mbun feidhme agus ar fáil d’úsáid ag an bpobal faoi mhí na Nollag 2025.

Tá an Scéim dúnta anois d’iarratais agus tá measúnú ar siúl. Foilseofar torthaí na scéime nuair a bheidh an próiseas críochnaithe.

Céim 1

I mí Feabhra 2024, sheol BIÉ agus ZEVI an chéad Scéim Deontais de chuid Feithiclí Astaíochtaí Nialasacha Éireann (ZEVI) um Bonneagar Athluchtaithe Feithiclí Leictreacha do Bhóithre Náisiúnta le haghaidh Feithiclí Saothair Éadroim (LDV). I mí Iúil 2024, d’fhógair an tAire Iompair Eamon Ryan suíomhanna 17 gcomhthiomsú athluchtaithe ardchumhachta nua atá le rolladh amach faoin scéim seo ar an nGréasán Bóithre Náisiúnta.

Tógfar 131 pointe athluchtaithe ardchumhachta san iomlán trasna 17 gcomhthiomsú athluchtaithe lena soláthraítear acmhainn athluchtaithe de 24,260 cileavata (24 meigeavata).

Le gach ceann de na comhthiomsuithe athluchtaithe sin soláthraítear bainc de phointí athluchtaithe Tapa agus Fíorthapa, ionas gur féidir le daoine a EVanna a luchtú go tapa. Gnó príobháideach a thógfaidh an bonneagar, agus deontas i gcabhair á thabhairt ag an Roinn Iompair dó sin. Ba iad seo na hiarratasóirí ar éirigh leo: