Comhpháirtíochtaí Príobháideacha Poiblí

Is socrú é comhpháirtíocht phríobháideach phoiblí (CPP) idir údarás poiblí agus comhpháirtí príobháideach a dearadh chun tionscadal bonneagair phoiblí a sheachadadh agus a sheirbhísiú faoi chonradh fadtéarmach. Faoin gconradh sin, bíonn rioscaí suntasacha agus freagrachtaí bainistíochta ar an gcomhpháirtí príobháideach. Maoiníonn agus bainistíonn an comhpháirtí príobháideach an tionscadal, agus faigheann sé cúiteamh ón Stát agus ó úsáideoirí sócmhainní thar 25-35 bliain. Ina dhiaidh sin, aistrítear úinéireacht na sócmhainne chuig an Stát.

Tá cúig chonradh déag CPP déanta ag BIÉ, ina bhfuil:

• Ocht Scéim CPP Lamháltais Dola
• Cúig CPP ‘Dear Tóg Maoinigh Oibrigh Déan Cothabháil’ (DBFOM)
• Dhá CPP d’Ionad Seirbhísí Mótarbhealaigh.

Déantar CPPanna Lamháltais Dola a mhaoiniú go páirteach nó go hiomlán ag an earnáil phríobháideach agus íoctha ag muirir úsáideoirí (dolaí) agus íocaíochtaí BIÉ. Déantar CPPanna DBFOM a mhaoiniú ag an earnáil phríobháideach agus íoctar luach saothair leo trí íocaíochtaí ó BIÉ (ar a dtugtar íocaíochtaí infhaighteachta nó íocaíochtaí aonadacha).

Tá tuilleadh sonraí faoi Scéim CPP BIÉ ar fáil sa tábla thíos. Tá faisnéis airgeadais faoi na Scéimeanna CPP, lena n-áirítear meastacháin ar íocaíochtaí bliantúla amach anseo, ar fáil ó Aonad Lárnach CPP ar shuíomh gréasáin na Roinne Caiteachais Phoiblí agus Athchóirithe.

Déantar soláthar sna conarthaí CPP an M3 Cluain Aodha-Ceanannas agus N18 Tollán Luimnigh d’Íocaíochtaí Oibríochta Athraitheacha (VOPanna) dá ngairtear “íocaíochtaí Ráthaíochta Tráchta” orthu freisin. Tá an mheicníocht comhroinnte riosca VOP uathúil do na dhá chonradh CPP seo agus bíonn feidhm aici nuair a thiteann na méideanna tráchta iarbhír faoi bhun na méideanna tairsí a shonraítear sna conarthaí faoi seach.

Scéim CPP Lamháltais Dola

Scéimeanna Ionaid Seirbhíse Mótarbhealaigh CPP